Мектебімізде "Абай әлемі" атты клуб ашылды

«Елтай орта мектебі »КММ-да «Абай әлемі » клубының салтанатты ашылу рәсімі болды. Клубтың мақсаты: қазақтың ұлы ақыны Абай Құнанбайұлы туралы тереңірек мәлімет беру, өмір жолы мен шығармашылығын таныту, Абай ақынның даналығын,рухани асыл мұраларын насихаттау, құрмет ету. Іс-шараның салтанатты ашылуында 1-11- сынып оқушылары Абайдың өлеңдерінен үзінділерді, философиялық тұрғыдан қарасөздерін жатқа оқыды. Келесі кезекте оқушылар Абайдың аудармаларын орындады. Сонымен қатар, қазақ ақындарының Абайға арналған арнау өлеңдері оқылды. «Абай әлемі» клубының мүшелері таныстырылды. «Әнді сүйсең, менше сүй» деп Абай атамыз айтқандай Абай әндері орындалды. «Абай мұрасы-қазақтың ең қасиетті қазынасы. Абай өзінің халқымен мәңгі бақи бірге жасайды. Ғасырлар бойы қалың елін, қазағын жаңа биіктерге, асқар асуларға шақыра береді» -деп Елбасымыз Абай мұрасына ерекше баға берді. Олай болса, барша қазақ баласы Абайды тануға, білуге, Абаймен мақтан етуге тиіспіз.