2024-2025 оқу жылының І жартыжылдықтағы тәрбие жұмысының есебі

“Никольск  ауылының №1жалпы орта білім беретін мектебі” КММ

2024-2025 оқу жылының І жартыжылдықтағы

тәрбие жұмысының есебі.

Тақырыбы: Біртұтас тәрбие бағдарламасы аясында жалпы адамзаттық және ұлттық құндылықтар негізінде жан-жақты және үйлесімді дамыған тұлға тәрбиелеу.

Мақсаты: Мектептегі тәрбие жұмысының өткен оқу жылындағы негізгі мақсаттарының бірі – оқу – тәрбие әрекетінде  Біртұтас тәрбие бағдарламасын іске асыру мақсатында өз Отанын сүйіп, құрметтейтін, өзара қарым – қатынас жасай білетін, өзін-өзі жетілдіру арқылы өмірлік мақсаттарына жете алатын, адамгершілік құндылықтары мен қажеттіліктерін қоғам талаптарымен үйлестіре алатын құзырлы тұлға қалыптастыру болып табылады.

          2024-2025 оқу жылының басында мектебімізде 100 оқушы білім алды. Жыл бойы оқушыларға сапалы білім мен саналы тәрбие беруде ұстаздарымыз аянбай еңбек етуде. Мектебімізде көп балалы отбасында 55 оқушы бар, тұрмысы төмен отбасында 12 оқушы, Ата-анасының қамқорынан айырылған оқушылар жоқ. Ерекше білім беру қажеттіліктері бар балалар-3.

           Мұғалім – мектептің тірегі ғана емес, білім, тәрбие беруде шешуші тұлға. Сондықтан, олардың білімі терең, әдістемелік шеберлігі жоғары дәрежеде болуы керектігін білеміз.  Мектебімізде   әдістемелік пән бірлестіктері жұмыс жасайды. Әр пән апталықтарында жоспарланған мектепішілік іс-шаралар уақытында қашықтықтан өткізіледі.

1 қыркүйек күні Білім күніне орай “Мектебім – мейірім мекені” атты салтанатты саптүзеу ұйымдастырылды. Іс-шараның мақсаты – оқушылардың мектепке деген құрметін арттыру, патриоттық және рухани-адамгершілік тәрбиені насихаттау. Саптүзеу барысында Қазақстан Республикасының Мемлекеттік Әнұраны орындалып, мектеп директоры мен ұстаздар оқушыларды жаңа оқу жылымен құттықтады. 1-сынып оқушыларын қарсы алу рәсімі ерекше көңіл-күймен өтті. Бұл іс-шара оқушылардың мектеп өміріне белсенді араласуына, ұйымшылдық пен ұжымдық рухты нығайтуға оң әсер етті. Жаңа оқу жылы қарсаңында ата-аналар жиналысы өткізілді. Жиналыс барысында келесі мәселелер талқыланды:  Мектеп формасы туралы талаптар: мектеп формасының маңыздылығы, оның тәртіп пен оқушылардың біртұтас имиджін қалыптастырудағы рөлі түсіндірілді. • Ата-аналарды қолдау орталығының жұмысы: ата-аналарға “Таймменеджмент: баланың бос уақытын тиімді ұйымдастыру” тақырыбында дәріс оқылды. Бұл дәрісте баланың уақытын жоспарлау, күн тәртібін дұрыс құру, сабақ пен демалыс арасындағы тепе-теңдікті сақтау жолдары ұсынылды. Қыркүйек айында “Отбасы объективінде” атты фотожоба ұйымдастырылды. Бұл жоба отбасы құндылықтарын насихаттау, ата-ана мен бала арасындағы байланыстарды нығайту мақсатында өткізілді. Фотожобаның мазмұны бойынша оқушылар мен олардың отбасылары өздерінің ерекше сәттерін суреттер арқылы көрсетіп, шығармашылық қабілеттерін таныту мүмкіндігіне ие болды. Жобаға мектеп оқушыларының отбасылары белсенді қатысып, барлық жұмыстар мектептің саитына ұсынылды. Бұл жоба оқушылардың рухани және адамгершілік құндылықтарын дамытуға, сондай-ақ ата-ана мен баланың қарым-қатынасын жақсартуға ықпал етті. Қазан айы – тәуелсіздік және отаншылдық айының алғашқы аптасы Ахмет Байтұрсынұлының туған күнімен тұспа-тұс келетін тілдер апталығының онкүндігінің ашылуымен басталды. Осыған орай, мектеп оқушылармен саптүзеу өткізіліп, мектеп кітапханашысының ұйымдастыруымен кітаптар көрмесі қойылды. Бастауыш сынып оқушылары арасында “Адал және сатылмайтын еңбек” тақырыбында сурет байқауы ұйымдастырылды. Байқаудың мақсаты – оқушыларға еңбектің маңыздылығын түсіндіру, адалдық пен жауапкершілік сияқты құндылықтарды дәріптеу, сондай-ақ олардың шығармашылық қабілеттерін дамыту болды. Байқауға оқушылар белсенді қатысып, өздерінің адал еңбекке деген көзқарастарын суреттер арқылы көрсетті. Оқушылардың жұмыстарында ата-аналардың, ұстаздардың және еңбек адамдарының бейнесі ерекше көрініс тапты. Қазан айында қоғамда белең алып жатқан өзекті мәселелерге байланысты “Интернеттегі қауіпті ойындар” тақырыбында ата-аналар жиналысы өткізілді. Жиналыс барысында ата-аналарға балалардың интернеттегі қауіпсіздігін қамтамасыз ету жолдары түсіндіріліп, олардың цифрлық сауаттылығын арттыруға ерекше көңіл бөлінді. Ата-аналарға интернеттегі балалар қауіпсіздігін бақылау құралдары мен әдістері ұсынылды.Сонымен қатар жиналыста Бұланды ауданының полиция капитаны Жапаров А.М. телефон арқылы жұмыс жасайтын алаяқтардың әрекеттері туралы нақты мысалдар келтіріп, ата-аналарға мұндай жағдайларда сақтық шараларын қолдану керектігін ескертті. Бұл жиналыс ата-аналарға өз балаларын интернеттің зиянды әсерінен қорғауға және құқықтық сауаттылықтарын арттыруға ықпал етті. Қазан айында Мұғалімдер күніне орай мектепте “Өзін-өзі басқару күні” ұйымдастырылды. Іс-шара барысында оқушылар мұғалімдердің рөлін орындап, сабақ жүргізу тәжірибесін алды. Бұл күні жоғары сынып оқушылары мұғалім болып, кіші сыныптарға қызықты және шығармашылыққа толы сабақтар өткізді. Сондай-ақ, Мұғалімдер күніне арналған ерекше концерттік бағдарлама ұйымдастырылды. Оқушылар ұстаздарға деген алғыстары мен құрметтерін ән, би және әдеби шығармалар арқылы жеткізді. Концертке әр сынып белсене қатысып, шығармашылық нөмірлер ұсынды. “Өзін-өзі басқару күні” оқушыларға мұғалім мамандығының жауапкершілігін сезінуге мүмкіндік берді. Мектеп оқушылары “Берекелі Алтын күз” атты іс-шара өткізілді. Бұл шара оқушылардың табиғатқа деген сүйіспеншілігін арттыру, шығармашылық қабілеттерін дамыту және күз мезгілінің сұлулығын сезіндіру мақсатында ұйымдастырылды. Оқушылар күздің байлығы мен әсемдігін бейнелейтін қолдан жасалған қолөнер туындыларын дайындап, көрме ұйымдастырды. Шара барысында оқушылар табиғи материалдардан өз қолдарымен жасалған киім үлгілерін көрсетіп, сән көрсетілімін өткізді. Бұл шара оқушылардың шығармашылығын дамытуға, табиғатқа ұқыпты қарауға және олардың ұйымшылдығын арттыруға ықпал етті.1-11сынып оқушылары алтын күз мерекесіне орай «Жәрменке»ұйымдастырды. Өз қолдарынан  неше түрлі тағамдар пісіріп әкеліп сатты.Өте қызықты өтті. 25 қазан – Республика күніне орай мектепте ерекше мазмұнды мерекелік іс-шаралар ұйымдастырылды. Бұл іс-шараның мақсаты оқушылардың ел тарихына, ұлттық құндылықтарға деген құрметін арттырып, патриоттық сезімдерін нығайту болды. Бастауыш және жоғарғы сынып оқушыларына арнап бөлек концерттік бағдарламалар дайындалды. Бастауыш сынып оқушылары Қазақстан туралы өлеңдер оқып, патриоттық әндер орындады. Жоғарғы сынып оқушыларының концерті мазмұнды әрі салтанатты түрде өтті.  Спорттық ойындар өткізді дене шынықтыру пән мұғалімі. Бұл іс-шара аталған спорт түрлеріне деген қызығушылықты арттырып, ұжымдық рухты нығайтуға мүмкіндік берді Күзгі демалыс кезеңінде «Мен және менің қауіпсіздігім» тақырыбында оқушылармен ақпараттық сағаттар өткізілді. Сынып жетекшілері оқушыларды негізгі қауіпсіздік ережелерімен таныстырды. Бастауыш сынып оқушылары арасында «Күзгі демалыс кезіндегі ғажайыптар» сурет байқауы өтті. Мектептің өзін-өзі басқару ұйымы «Білсең, жауап бер, білмесең — оқы!» атты акциясын ұйымдастырды. Мектеп кітапханашысы «Кітаптарды онлайн оқу», «Менің сүйікті үй жануарым», «Әлем балалар көзімен» тақырыптары бойынша сурет байқауларын өткізді, оған мектеп оқушылары белсенді қатысты. Дене шынықтыру мұғалімдері «Таңертең жаттығудан баста!» атты спорттық челлендж ұйымдастырды. Мектеп кітапханашысы С.Сейфуллиннің 130 жылдығына орай арнайы кітап көрмесін ұйымдастырды. Көрмеде ұлы ақынның шығармалары мен өмір жолы туралы ақпараттар, оның қазақ әдебиетіне қосқан үлесі туралы материалдар ұсынылды. Оқушылар мен мұғалімдер бұл көрмеге қызығушылық танытып, ақынның шығармаларына арналған кітаптарды оқуға құлшыныс білдірді. Кітапхана бұл шара арқылы оқушылардың әдебиетке деген қызығушылығын арттыруды мақсат етті. Мектеп кітапханашысы С.Сейфуллиннің 130 жылдығына орай арнайы кітап көрмесін ұйымдастырды. Көрмеде ұлы ақынның шығармалары мен өмір жолы туралы ақпараттар, оның қазақ әдебиетіне қосқан үлесі туралы материалдар ұсынылды. Оқушылар мен мұғалімдер бұл көрмеге қызығушылық танытып, ақынның шығармаларына арналған кітаптарды оқуға құлшыныс білдірді. Кітапхана бұл шара арқылы оқушылардың әдебиетке деген қызығушылығын арттыруды мақсат етті. Тарих пәні мұғалімдері мектебіміздің оқушылары арасында «Интернет кітапты алмастыра ала ма?», «» тақырыптарында дебаттар өткізді. Бұл дебаттар оқушылардың өз пікірлерін білдіріп, аргументтер келтіре отырып, пікірталас жүргізу дағдыларын дамытуға бағытталды. Әр топ өз көзқарастарын дәлелдеп, қарсы тараптың пікіріне қарсы аргументтер келтіріп, талқылау барысында логикалық ойлау мен сөйлеу шеберліктерін шыңдады. Оқушылар бұл шара арқылы өз ойларын еркін әрі сенімді түрде жеткізіп, пікір алмасу барысында бір-бірінің көзқарасын құрметтеуді үйренді.Оқушылар қазан айында Бұланды ауданында мектеп оқушылар арасында өткен пікір сайыс турнирінде 10-11сынып оқушылары қатысып мараппаталып келді. «Зорлық-зомбылыққа қарсы 16 белсенді күн» науқаны аясында ақпараттық стенд, «Біз зорлық-зомбылыққа қарсымыз» тақырыбында сынып сағаттары, «Тұрмыстық зорлық-зомбылық пен балаларға қатыгездік көрсету мәселелерінің алдын алу», «Балалық шақ - қатыгездік пен зорлық-зомбылықсыз», сондай-ақ оқушылар арасында балаларға қатысты қатыгездік әрекеттерін анықтау мақсатында анкета жүргізу сияқты іс-шаралар жоспары әзірленіп, өткізілді. Ал мектептің тәрбие жоспары аясында ұйымдастырылған «өнегелі 15 минут» іс-шарасы оқушылар мен ата-аналар бірлесіп қатысты. Мақсаты — оқушыларға адамгершілік құндылықтарды ұғындыру, моральдық және рухани тәрбие беру. Акция барысында әр сынып оқушылары мен олардың ата-аналары бірлесіп, қысқа уақыт ішінде маңызды тақырыптар бойынша әңгімелер, талқылаулар, пікір алмасулар өткізді. 5-15 желтоқсан аралығында мектеп кітапханашысы Қазақстан Республикасының Тәуелсіздік күніне орай кітап көрмесін ұйымдастырды. Бұл көрмеде еліміздің тарихы, мәдениеті, Тәуелсіздік жылдары қол жеткізген жетістіктер туралы кітаптар мен материалдар ұсынылды. Дене шынықтыру мұғалімдері Тәуелсіздік күніне арналған спорттық эстафеталар мен тоғызқұмалақ және асық ату турнирлерін өткізді. Бұл іс-шаралар оқушылардың физикалық белсенділігін арттыруға, ұлттық ойындарымызды насихаттауға бағытталды. Сонымен қатар, мектебіміздің оқушылары тәуелсіздікке орай ұйымдастырылған концерт кезінде «Жас ұлан» және «Жас қыран» ұйымдарына қабылданды. Бұл ұйымдар оқушылардың патриоттық тәрбиесін нығайтып, олардың қоғам алдындағы жауапкершілігін арттыруға ықпал етеді. Мерекелік іс-шара концерттік бағдарламамен қорытындыланып, оқушылар мен ұстаздар Тәуелсіздік күніне арналған қуанышты көңіл-күймен, ұлттық рухта ән айтып, би билеп, мерекені бірге атап өтті. Мектепте кәмелетке толмағандар арасындағы құқықбұзушылықтардың алдын алу мақсатында арнайы әңгіме өткізілді, сонымен қатар оқушыларға «Закладка» атты фильм көрсетілді. Бұл фильмде жастар арасында таралатын заңсыз әрекеттер, оның ішінде есірткі заттарын тарату мәселесі көтерілді. Фильмді көргеннен кейін оқушылармен осы тақырып бойынша кеңінен талқылау жүргізіліп, олардың құқықтары мен міндеттері, сондай-ақ қоғамдағы жауапкершіліктері жайлы әңгіме айтылды. Мұндай іс-шаралар жасөспірімдерге дұрыс бағыт-бағдар беріп, құқықбұзушылықтардың алдын алуға көмектеседі.  (Жалпы білім беру ұйымдарында тәрбие жұмыстарын ұйымдастыру) аясында мектепте ата-аналар жиналыстары өткізілді. Жиналыстарда балалардың оқу үлгерімі, тәртібі және қоғамдық өмірге белсене қатысу мәселелері талқыланды. Сонымен қатар, ата-аналарға балалардың психологиялық және физикалық дамуы, олардың қауіпсіздігі мен денсаулығына қатысты маңызды мәселелер туралы ақпарат берілді. Ата-аналар мен мұғалімдер арасындағы тығыз ынтымақтастықты нығайту мақсатында өзекті тақырыптар бойынша пікір алмасулар жүргізілді. Жаңа жылға арналған мерекелік іс-шаралар 27 желтоқсан күндері алдын ала дайындалған жоспар бойынша өтті. Бастауыш сыныптарда ертегілердің сахналануы ұйымдастырылды, онда оқушылар өздері костюмдер мен декорацияларды жасап, ертегілердің кейіпкерлерін рольінде ойнады. Мереке кезінде балаларды Қар Қыз және Аяз Ата құттықтап, олармен бірге ән айтып, хоровод айналды. Мерекенің соңында балаларға жаңа жылдық сыйлықтар – тәттілері табыс етілді. Ал орта және жоғары сыныптарда мерекелік іс-шаралар түрлі байқаулар мен көңілді ойындармен өтті. Оқушылар қызықтық ойындар мен жарыстарға қатысып, жақсы көңіл-күймен мерекені атап өтті. Іс-шараның соңында жаңа жылдық дискотека ұйымдастырылып, оқушылар би билеп, бірге көңілді уақыт өткізді. Сонымен қатар, мектеп оқушылары жыл сайынғы дәстүрлі «Жаңа жылға арналған кабинет безендіру» байқауына қатысып, әр сынып өз кабинетінің безендірілуі бойынша шығармашылық жұмыс көрсетті. Байқауға қатысушылар ерекше декорациялар мен жаңа жылдық тақырыпқа сай безендірулер дайындап, мектепке мерекелік көңіл-күй сыйлады.Жаңа жылға оқушыларға  ауылдың кәсіпкерлері «Ұлтуған»дүкенінің иесі Құттыбаев Болат  және  «Қымбат» дүкенінің иесі Байжанов Уалихан оқушыларға сыйлық берді. 2024 жылдың 30 желтоқсанынан 2025 жылдың 8 қаңтарына дейін балалардың бос уақытын тиімді ұйымдастыру мақсатында қысқы каникулға арналған жоспар әзірленді Жоспар бойынша оқушылар  тапсырмаларды орындап отырды және интернет желілеріне салынып отырылды.