Жартыжылдық бойынша тәрбие жұмысының анализі. 2024-2025 оқу жылы 7- сынып.

Жартыжылдық бойынша тәрбие жұмысының анализі.

2024-2025 оқу жылы

7- сынып.            

  Сынып жетекшісі: Таутиева Айнагуль Хайруловна

Сыныптың құрылуы мен қалыптасуы бойынша жалпы мәлімет

1. Жалпы мәлімет

Сыныптағы оқушы саны:8

Жыл басында:8

Жыл соңында: 8

Кеткен оқушылар саны:0

          Сынып оқушылары сан жағынан аз болғанымен, бір-бірімен жақсы қарым -қатынаста болып, бір толық ұжым қалыптастыра алды. Сынып басқару жұмыс сынып әкімінің бағытымен  орындалып отырады, жылдар бойы қалыптасқан сынып салты мен дәстүрі,ережесі сақталды.

     Оқушылардың 25 пайызы әсіресе,ұлдар  үйірме және спорт секцияларына қатысып отырды.Серікбай Аяулым, Хумархан Нұрсұлтан, Ақылбек Нұртас,Самирах Жансерік ән үйірмесіне вокал класына,домбыра сыныптарына  қатысады. Оқушылардың барлығы дені сау физиологиялық тұрғыдан қалыптасқан балалар.

     Сыныпқа қатысты қоғамдық жұмыстардың көбі сынып әкімі Хумархан Нұрсұлтанның ұйымдастыруымен жүзеге асып отырды. Оның сыныптастары арасындағы беделі өте жоғары болғандықтан, әр оқушы тағайындалған міндеттерін барынша жақсы орындауға тырысып отырды. Өзі сыныпта үздік, үлгілі, сондықтан басқаларды да осындай игі іске тартып отырды.

    Ұжым арасындағы қарым-қатынас:

    А) оқушылар арасында тұйық, сөйлемейтін  оқушы да болды. Ол көбіне бірініші сыныптан бастап оқып келе жатқан оқушылар. Бірақ онымен сынып жетекшісі жұмыс жасау арқылы  ол топ оқушылары сыныпта басқа оқушылармен қарым-қатынастарын өзгерте бастады.

      Б) сынып ұжымында жылы достық қарым-қатынас орнатылған, бірінің сөзін бірін тыңдап, сынып арасында өзіндік талап қалыптасқан.

     В)сынып ұжымында бір-біріне сын айтып, сол сынға дұрыс қарайтындар да, аздап реніш білдіретіндер де бар. Әрине, ол кездегі келеңсіз жағдайлар сынып жетекшісінің және ата-ананың көмегімен шешіліп отырды. 

      Г) сыныпта қосымша лидерлік танытқан оқушылар болған жоқ, сондықтан сыныптың ұжым болып қалыптасуына ешқандай кедергі болған емес. Сынып оқушылары барлығы бірдей деңгейде тәрбиеленді.

      Сынып оқушыларымен белгіленген жоспарға сәйкес тақырыптар бойынша (патриоттық, кәсіптік, адамгершілік, рухани) сынып сағаттары өтті. Демалыс кездерінде немесе  қоғамдық жұмыстарға қатысу кезінде қауіпсіздік ережесін сақтау барында жұмыстар жүргізіліп, оқушылардың қолымен бекітіліп отырды. Ұлдардың көпшілігі еркін күрес секциясына қатысты. Нәтижесі де жақсы болды. Хурметбек Мұхамматали аудандық еркін күрестен 2,3 орындарға,  Мырзабек Ералы 3 орынға  орынға ие болды.          Сондай-ақ ән саласында да жетістіктер бар. Атап айтатын болсақ,Хумархан Нұрсұлтан, Серікбай Аяулым аудандық, облыстық ән сайыстарына қатысып, жүлделі орындарға ие болды.

Оқушылар осы тоқсанда сабаққа жақсы қатысып жүрді. Мұғалімдер тарапынан  ескерту болған жоқ.

Жоспар бойынша белгіленген сынып сағаттары өткізілді.Алтын күз, жаңа жыл кеші, мектепішілік жәрмеңке, тәрбие жұмысының жоспары бойынша сынып сағаттары өтті. Оқушылар белсенді қатысып отырды.

Сыныпта пән олимпиадасына қатысып жүлделі орындарға ие болған оқушылар да бар.

      Сабақты себепсіз  босатқан оқушылар болған жоқ.

 Ата- аналар жиналысы белгіленген жоспар бойынша өткізіліп отырды. Жиналысқа сынып ата-аналарының 75 пайызы  қатысты. Жиналыс барысында оқушылардың оқу үлгерімі мен сабаққа дайындығы, оқушылардың қауіпсіздік ережелері туралы түсіндірілді.Жиналыс ата-аналарды мектепке шақыру арқылы өтті.

     Ұлттық ерекшеліктеріміз бен менталитетімізге байланысты қыздармен де, ер балалармен де бөлек- бөлек әңгімелер өтті.Кейбір оқушылардың ата-аналарымен жеке әңгіме жүргізіліп отырды.

Сынып жетекшісі:                  Таутиева А.Х