Никольск ауылының №1 жалпы орта білім беретін мектебінің І жартыжылдық оқушылар арасындағы құқықбұзушылықтың алдын алу бойынша жүргізілген жұмыстың есебі

Никольск ауылының №1 жалпы орта білім беретін мектебінің

 І жартыжылдық оқушылар арасындағы құқықбұзушылықтың алдын алу бойынша  жүргізілген жұмыстың есебі

Азаматтық тәрбиелеу идеясы азаматтық қоғамның өзі тәрізді баяғы заманнан бері келе жатқан ұғым, оның мәні- қоғам мүшелерін өзара үйлесімді өмір сүруге баулу, соған тәрбиелеу. Азамат болу- өз құқықтарыңды, сонымен қатар өз міндеттеріңді саналы да сындарлы түрде ұғындыру. 2024-2025 оқу жылында құқық бұзушылықтың алдын алуға байланысты мектепте  біріккен іс-шара жоспары жасалды. «Түнгі ауылда» атты акцияларын өткізу барысында түнгі кезекшіліктің мақсаты: құқық бұзушылықтың алдын алу және болдырмау, жасөспірімдер мен балалардың беймезгіл көшеде жүрмеуін қадағалау22:00-01:00дейін мектеп мұғалімдері кезекшілік қызметің атқарады.  Сонымен қатар оқу жылы басында ата-аналармен, кешкі сағат 22.00- ден кейін қоғамдық орындарда балалардың жүруіне қатаң тыйым салынатындығы жайлы түсіндірме жұмыстары жүргізілді.Соған байланысты мектеп қабырғасында және басқа да мәдени орындарда өткізілген іс-шаралар кешкі сағат 17.00-ден кешіктірілмей өтуде.Сондай-ақ оқушылардың бос уақытын тиімді пайдалану және өмір қауіпсіздігін қамтамасыз ету мақсатында мектепте түрлі үйірме жұмыстары, спорт секциялары жүргізіліп, оқушылар қоғамдық жұмыстарға тартылып отыр. Түнгі кезекшілік кезінде орынсыз жағдайлар мен тәртіп бұзушылықтар кездескен жоқ. әдептілікке тәрбиелеу. Жасөспірімдер арасында құқықбұзушылықты болдырмау мақсатында сабақтан тыс бос уақыттарын қамту мақсатында факультатив, ақылы және ақысыз үйірмелердің жылдық жоспары бекітіліп жұмыс жүргізіледі.  Қыркүйек айынан бастап сынып жетекшілер оқушыларды мектептегі секциялардың жұмыс кестелерімен таныстырылып, Мектеп парламенті ұйымының тарапынан құрылған ұйымдарға оқушылар тартылды. 30 қыркүйек күні «Тәрбиенің ең тамаша мектебі-отбасы»атты тақырыпта жалпы мектепішілік ата- аналар жиналысы болып өтті. Жиналысқа мектеп ата – аналарының 85% -ы қатысып, мектеп психолгінің тренингі, ата – аналар комитетінің жылдық талдауын естіп, мектеп оқушыларының тәртіп ережелерімен таныстырылып өтті.
«Құқық әлемінде» атты тақырыпта 9 – 10 сынып оқушыларына тәрбие сағаты өткізілді. Тәрбие сағаты негізінде оқушылардың патриоттық, құқықтық білімдерін арттыру мақсатында жүргізілген тәрбие сағаты өз деңгейінде жақсы өтті.
Ер оқушыларды жинап алып, яғни 5,9,11 сыныптар арасында әлімжеттік және бопсалау туралы пікірталас өтті. Сонымен қатар  тәрбие ісінің  орынбасары Қостанова А.М  мен Бұланды ауданының полиция

капитаны Жапаров А.М  және  педагог психолог Қасен А қатысты. Бұл іс-шараның мақсаты мектеп ішінде және де мектептен тыс жерлерде әлімжеттікке жол бермеу және оның алдын алу шаралары туралы болды. Ең алдымен оқушыларды әлімжеттік пен бопсалау не екенін сұрадық. Кіші сыныптардың бұл сөздерді білмеуіне байланысты оларға түсінік берілді. Бұл сөздерді анықтап болған соң, бейнебаянға көңіл аударттық. Оқушылар бұл бейнебаянда болған оқиғаны баяндап, оның жақсы да жаман тұстарын айқын ажыратып, түсіне алды деп есептейміз. Одан соң интербелсенді тақтадағы мәтіндерге көз жүгірте отырып, әлемдегі және еліміздегі әлімжеттік пен бопсалау туралы мәліметтерді талқыладықСонымен қатар  жасөспірімдердің Ата заңымыздың қылмыс істеудегі жазалау баптарымен түсіндірілді.
Қорытындылай келе оқушылар біраз мәлімет алып, ой түйіп, көп түсінік алды деп есептеймін. Олардың бірауыздан ондай олқылықтарға жол бермейтіндерін, мектептегі ұл балалардың бір-бірін кемсітпей, кіші үлкенді, үлкен кішіні өзінің бауырымен ағасындай тату-тәтті жүруге тырысады деп ойлаймын.
«Өз денсаулығың өз қолыңда» атты тақырыпта нашақорлықтың алдын алу жұмыстары бойынша мектеп мейірбикесі және сынып жетекшілері, дене тәрбиесі пәнінің мұғалімдерінің қатысуымен денсаулық фистивалі өткізілді. Аталмыш шараға мектеп оқушыларының 100 % - ы қамтылып, өте жақсы деңгейде өтті.

                  Тәрбие ісінің меңгерушісі ;           А.Костанова.